"സ്വപ്നം ചിലർക്കു ചിലകാലമൊക്കണം"

കേരളം!

എന്റെ കേരളം, എത്ര സുന്ദരം........ ഇപ്പോഴത്തെ കാര്യമല്ല പറഞ്ഞതു!

പലതരത്തിലുള്ള വികസനങ്ങളും കേരളത്തിൽ വന്നുകൊണ്ടിരിക്കുകയാണു. ഇന്ത്യയിലെ ഏറ്റവും വേഗത്തിൽ പുരോഗമിച്ചു കൊണ്ടിരിക്കുന്ന ഈ കൊച്ചു സംസ്ഥാനം, അതിന്റെ ഇൻഫ്രാസ്ട്രക്ചർ രൂപകൽപ്പനചെയ്യുന്നതിലും, വരാൻ പോകുന്ന വികസനങ്ങൾക്കു ഉതകുന്നതും, ഭാവിയിൽ വരാൻ പോകുന്ന സ്ഥലദൗർലഭ്യം കണക്കിലെടുത്തും ഇപ്പോൾ തന്നെ പരമാവധി ദീർഘവീക്ഷണത്തോടെ പുനർസംവിധാനം ചെയ്യേണ്ടിയിരിക്കുന്നു

കേരളത്തിന്റെ തെക്കുവടക്കുള്ള ഹൈവേകൾ മാക്സിമം വളവുകൾ ഇല്ലാതെയും, കിഴക്കുപടിഞ്ഞാറായിട്ടുള്ള പ്രധാന റോഡുകൾ എല്ലാം പരമാവധി വീതിയിലും തീർത്തും വളവുകൾ ഇല്ലാതെയും, തെക്കുവടക്കു പോകുന്ന പ്രധാന റോഡുകളിൽ എത്തിചേരത്തക്ക രീതിയിൽ ആസൂത്രണം ചെയ്തു വേണം ഭാവിയിലെ എല്ലാ പുനർ നിർമ്മാണങ്ങളും വിഭാവനചെയ്യാൻ.

ഇതൊക്കെ സാധ്യമാവാൻ ബുദ്ധിമുട്ട്‌ അല്ലേ? അല്ല! വളരെ ചെറിയ സംസ്ഥാനമായ കേരളത്തെ മൊത്തത്തിൽ മനോഹരമായി രൂപമാറ്റം വരുത്തുവാൻ വലിയ ബുദ്ധിമുട്ടു ഉണ്ടാവുകയില്ല. കാരണം, വരാൻ പോകുന്ന 10-20 വർഷത്തിനകത്തു കേരളം മുഴുവനായി ചെറുതും ഇടത്തരവും ആയ പട്ടണങ്ങളാൽ നിറയും. ഈ ചെറുപട്ടണങ്ങളുടെ കേന്ദ്രം ഏവിടെ വരണമെന്നു മൊത്തത്തിൽ ആസൂത്രണവിഭാഗം കാലേകൂട്ടി രൂപകൽപന ചെയ്യണം. അതനുസരിച്ചു വികസന ആവശ്യമാകുന്നതനുസരിച്ചു പുതിയ വഴികളും പാലങ്ങളും നിർമ്മിച്ചു കൂടുതൽ ഭംഗിയും ഗുണപ്രദവുമായ രീതിയിൽ സൗകര്യപ്പെടുത്താവുന്നതാണു.

മാത്രമല്ല, നമ്മുടെ സംസ്ഥാനം ധാരാളം മഴ ലഭിക്കുന്ന സംസ്ഥാനമാണു. അതുകൊണ്ട്‌ തന്നെ ധാരളം വെള്ളകെട്ടും, ചെറുതും, വലുതുമായ തോടുകളും, ഉണ്ട്‌. അവ അവയുടെ ലക്ഷ്യമായ പുഴകളിലും, കായലുകളിലും, കടലിലും എങ്ങും തടസങ്ങളിൽ പെടതെ എത്തിചേരാൻ പാകത്തിനു ആഴവും, വീതിയുമുണ്ടാക്കാൻ സൗകര്യപ്പെടുത്തണം. എല്ലാ നീർച്ചാലുകളുടേയും ഇരു കരകളും ഒന്നു മുതൽ രണ്ടു മീറ്റർ വീതിയിൽ വരെ നടപ്പാതയും, കുളിക്കടവുകൾ ഉണ്ടങ്കിൽ അവ കെട്ടി വൃത്തിയാക്കി സൂക്ഷിക്കുകയും വേണം. വാഹനങ്ങൾ ഒരു കാരണവശാലും, പുഴയിലും, തോടുകളിലും, പൊതുസ്ഥലാങ്ങളിലും കഴുകുവാൻ അനുവദിക്കരുതു. ഇവ തീർത്തും, കാർ വാഷിങ്ങ്‌ സെന്ററുകളിലോ സ്വകാര്യ സ്ഥലങ്ങളിലോ കഴുകുവാൻ അനുവദിക്കാവൂ. എന്നാൻ ഇവയിൽ നിന്നും പുറംതള്ളുന്ന വെള്ളം ഒരുകാരണവശാലും മനുഷ്യർ ഉപയോഗിക്കുന്ന തോടുകളിൽ ഒഴുകി എത്തരുതു. എല്ലാ നഗരത്തിലേയും മാലിന്യം കലർന്ന വെള്ളം പ്രത്യേകം തീർത്ത ഓടളിലൂടെ ശേഖരിച്ചു യുക്തമായ രീതിയിൽ സംസ്കരിക്കാനുള്ള സംവിധാനവും രൂപകൽപന ചെയ്യണം.

ധാരാളം പുതിയ നിർമ്മാണ പ്രവർത്തനങ്ങൾ നീർച്ചാലുകളെ ബന്ധപ്പെടുത്തി നടത്തി വരുന്നതായി അറിയാം, എന്നാൽ "കാട്ടിലെ മരം തേവരുടെ ആന" എന്ന രീതിൽ " എന്തെങ്കിലും ചെയ്യാൻ വേണ്ടി ചെയ്യാതെ" ദീർഘവീക്ഷണത്തോടെ ചെയ്യ്താൽ വളരെ നന്നയിരിക്കും. ഇത്തരം കാര്യങ്ങൾ നടപ്പിൽ വരുത്താൻ വിദേശങ്ങളിൽ ജോലിചെയ്തും, കണ്ടും പരിചയമു ധാരാളം ആളുകൾ നമ്മുടെ നാട്ടിൽ തന്നെ ഉണ്ട്‌. അവരുടെ സേവനം ഇത്തരം നവീകരണ പ്രവർത്തനത്തിനു ഉപയോയിക്കാവുന്നതാണു. അവ വിദേശമലയാളികളെ പുനരധിവസ്സിപ്പിക്കുന്ന പ്രവർത്തിനം പോലെ ആകുകയും ചെയ്യും.

പല സ്ഥലങ്ങളിലും യാത്ര ചെയ്യുമ്പോൾ നമ്മുടെ നാടിനെ ആ സ്ഥലങ്ങളുമായി താരതമ്യം ചെയ്യുകയും, നമ്മുടെ അടുത്തുള്ള എന്തെങ്കിലും റോഡോ തോടോ എന്തായാലും, തമ്മിൽ താരതമ്യ്ം ചെയ്ത്‌ ഭാവനയിൽ കണ്ടുകൊണ്ട് നാട്ടിലും ഇങ്ങനെ ആയാൽ എത്ര നന്നായ്‌രിരുന്നേനെ എന്നു ആലോചിക്കാറുണ്ട്.

നമ്മുടെ പുഴകളെ മലിനമാക്കുന്നതിൽ പ്രധാനപങ്കു വഹിക്കുന്നത്‌ അവയുടെ കരയിലെ ഫാക്ടറികളാണു. ഈ ഫാക്ടറികളിലെ മാലിന്യം ഒഴികിപോകാൻ ദ്രുഢമായ വലിയ ടണലുകൾ സ്ഥാപിച്ചു അതിലൂടേ മാത്രം ഒഴുകാൻ അനുവദിക്കാവൂ. ഈ മലിന ജലം പരിസരമലിനീകരണം നടത്തുന്നില്ല എന്നു ഉറപ്പു വരുത്തണം. അതിനുതകുന്ന മലിനജല സംസ്കരണം നടത്താൻ ഉള്ള സൗകര്യം വ്യവസായ ശാലകൾ സ്ഥാപിക്കണം. വീഴ്ചവരുത്തുന്നവർക്കു കഠിനമായ പിഴയും മറ്റു ശിക്ഷയും കൊടുക്കണം.

ഒരു നല്ല ഭംഗിയും, ആരോഗ്യകരവും, ആയ ചുറ്റുപാടും അന്തരീക്ഷവും ഉണ്ടാക്കുന്നതിനു എല്ലാവരുടേയും സഹകരണവും, ഭരണധികാരികളുടെ ഭാവനയും ദീർഘവീക്ഷണവും, ഐഡിയകളെ ക്രിയാത്മകമാക്കാൻ വേണ്ട കഴിവും ദ്രുഢനിശ്ചയവും ആവശ്യമാണു.

ഞാൻ പതിവുപോലെ ഒരു അത്യാഗ്രഹം പ്രകടിപ്പിച്ചു എന്നു മാത്രം.......
സ്വപ്നം കാണാൻ ആരുടേയും അനുവാദം വേണ്ടല്ലോ!

"സ്വപ്നം ചിലർക്കു ചിലകാലമൊക്കണം" എന്നു ആരോ പറഞ്ഞിട്ടുണ്ടല്ലോ!

ബരാക് ഒബാമക്കു എല്ലാ ആശംശകളും നേരുന്നു!

ലോകത്തിലെ ഏറ്റവും വലിയ ജനാധിപത്യരാജ്യമായ ഇന്ത്യയിലെ ഒരു പൗരനെന്ന നിലയിൽ എനിക്കു അൽപം "അഹംങ്കാരമുണ്ട്‌!.” എന്നാൽ ശ്രീ മമ്മൂക്കാ എന്നു എല്ലാവരും സ്നേഹപൂര്‍വം വിളിക്കുന മഹാസിനിമാനടൻ, ശ്രീ. മമ്മൂട്ടിയുടെ അഭിപ്രായപ്രകാരം എനിക്കു രാഷ്ട്രീയത്തെ പറ്റി പറയാൻ അധികാരമുണ്ടാവില്ല! കാരണം ഞാൻ ഇതു വരെ വോട്ടു ചെയ്തിട്ടില്ലല്ലോ!

ദാ ഈ മുൻപിൽ ഇരിക്കുന്ന ടീവി യിൽ സി എൻ എന്‍‌ -ല്‍‌ അമേരിക്കയിലെ പുതിയ പ്രസിഡന്റ്‌ ശ്രീമാൻ ബരാക്ക്‌ ഒബാമയുടേ സത്യ പ്രതിജ്ഞാചടങ്ങും അതിനോടനുബന്ധിച്ചുള്ള പ്രസിഡൻഷ്യൽ അഡ്രസ്സും (കടിഞ്ഞൂൽ പ്രസംഗം) കേട്ടുകൊണ്ടിരിക്കുകയാണു. അതില്‍‌ എന്നെ ഏറ്റവുംകൂടുതൽ ആകർഷിച്ച ചില കാര്യങ്ങൾ സൂചിപ്പിക്കുകയാണു ഈ പോസ്റ്റിലൂടെ!

ഒന്നു :-

പുതിയ അമേരിക്കൻ പ്രസിഡന്റിന്റെ ആദ്യ പ്രസ്ംഗത്തിൽ ഊന്നിപറഞ്ഞ ഒരു കാര്യം ദൈവം തന്ന സമത്വത്തിനുള്ള അവകാശം - അതു നിങ്ങൾ സ്വയം കേക്കൂക- അതു ഞാൻ ഇവിടെ ചേർത്തിട്ടുണ്ട്‌. ( താഴെ ഉള്ള വിന്‍ഡോയില്‍ “പ്ലേ >“ ക്ലിക്കു ചെയ്യുക)

രണ്ടാമതു,:-

ഭരണ കക്ഷിയോ പ്രതിപക്ഷമോ എന്ന വ്യത്യാസ്മില്ലാതെ, പൊതുജനങ്ങളുടേയും, മറ്റു നേതാക്കളുടേയും അഭിപ്രായ ശേഖരണത്തില്‍‌ എല്ലാവരും ഒരേപോലെ പറഞ്ഞു കേട്ട അഭിപ്രായം:-

"ബരാക്‌ ഒബാമ ആനേകം പ്രശ്‌നങ്ങളോടൊപ്പമാണു വൈറ്റ്‌ ഹൗസിലേക്കു വരുന്നത്‌, ഗഹനമായ അനേകം രഷ്ട്രീയ പ്രശ്നങ്ങളും, അതിനേക്കാൾ വലിയ സാംബത്തിക പ്രതിസന്ധിയും അദ്ദേഹത്തിന്റെ മുൻപിലുള്ള ഏറ്റവും വലിയ രണ്ട്‌ ബാധ്യതകളാണു. അതിനാൽ അദ്ദേഹത്തിനു ജനങ്ങളുടേ പിന്തുണ യാണു ഇപ്പോൾ ആവശ്യം" - എന്ന ഏകസ്വരത്തിലുള്ള സഹകരണ മനോഭാവവും.

അതു കേട്ടപ്പോള്‍ അറിയാതെ ഞാൻ നമ്മുടെ തിരഞ്ഞ്ടുപ്പുകളും അതിനുശേഷം വോട്ടെണ്ണലും, പിന്നീട്‌ ഒരു മന്ത്രിസഭ രൂപീകരിക്കുന്നതിനുള്ള ട്രപ്പീസും, ഗുസ്തിയും, അതിനിടയിൽ എത്രയോ ജനങ്ങളുടേ തലയും, കയ്യും കാലുമെല്ലാം കുരുതികൊടുക്കേണ്ടിയും വന്നേക്കാം എന്നെല്ലാമുള്ള നമ്മുടെ നാട്ടിലെ കാര്യവും ഒന്നു ആലോചിച്ചു പോയി.

മാത്രമോ- വഴിനീളെ "കള്ളുഷാപ്പിലെ വിഷം വാങ്ങി കുടിച്ചു സ്വയം ഭ്രാന്തന്മാരായി നടന്നു കീജേയ്‌ വിളിയും, വെല്ലുവിളികളും, പത്രങ്ങളിൽ തോറ്റവന്റേയും ജയിച്ചവന്റെയും ചോട്ട മുതൽ മോട്ട വരെ യുള്ള നേതാക്കളുടെ വിഴപ്പ്‌ അലക്കലുകളും വേരെ ഒരു വഴിക്കു!

പുതിയ യുഗപ്പിറവി നമ്മുടെ നാട്ടിലും വരാൻ പോകുകയാണല്ലോ! പാര്‍ലമെന്റ് തിരഞ്ഞെടുപ്പു അടുത്തില്ലേ? പിന്നെ അച്ചുമാമയെ എപ്പോഴാണു അദ്ദേഹത്തിന്റെ കൂട്ടത്തിലുള്ളവർ തന്നെ വലിച്ചു താഴെ ഇടുന്നതെന്നും പറയാനും പറ്റില്ലല്ലോ! :).!

നമ്മുടെ നേതാക്കന്മാർക്കും കുറച്ചെങ്കിലും സംസ്കാരത്തിന്റെ ആവശ്യകതയും, അച്ചടക്കവും, "സംസാര രീതിയും" കണ്ടു പഠിക്കാൻ പറ്റിയ അവസരമയിരുന്നു ഇന്നലത്തെ ഇനാഗ്രേഷൻ ചടങ്ങ‍ൂകൾ!

ബരാക് ഒബാമക്കു എല്ലാ ആശംശകളും നേരുന്നു!

അനേകം പ്രതീക്ഷകൾ അദ്ദേഹ്ത്തിൽ നിക്ഷിപ്തമാണു!

അതു പോലെ വെല്ലുവിളികളും...........

അദ്ദേഹത്തില്‍‌ അര്‍പ്പിച്ച പ്രതീക്ഷകള്‍‌ സഫലമാകാനും, വെല്ലുവിളികള്‍ തരണം ചെയ്യാനും ദൈവം സഹായിക്കട്ടെ!

"വേണങ്കിൽ ചക്ക വേരിലും കായ്ക്കും"

എന്താണു യുവജനങ്ങൾ മുൻപ്‌ ഉണ്ടായിട്ടില്ലാത്ത വിധം വിധ്വംസ്ക പ്രവർത്തനങ്ങളിൽ ഏർപ്പെട്ടിരിക്കുന്നതു? കഴിഞ്ഞ കുറെ വർഷങ്ങളിലായി, സംഘം ചേർന്നുള്ള അക്രമങ്ങൾ , സംഘം ചേർന്നുള്ള മോഷണങ്ങൾ, മയക്കുമരുന്നു വ്യാപാരം, കള്ളവാറ്റ്‌ ഇവ യെല്ലാം ഭയാനകമാം വിധം നമ്മുടേ നാട്ടിൽ വർദ്ധിച്ചു വരികയാണു.

ഒരു ഭാഗത്തു തൊഴിലാളികളെ കിട്ടാനില്ലാ. എന്നാൽ തണ്ടും തടിയുമുള്ള വിദ്യാസമ്പന്നരുമായ ചെറുപ്പക്കാർ സംഘം ചേർന്നു മദ്യപിച്ചും, മയക്കു മരുന്നു ഉപയോഗിച്ചും നടന്നും അവക്കു അടിമപ്പെട്ട്‌ - സ്വന്തമായി തൊഴിലും പണവുമില്ലാതെ വരുമ്പോൾ പണത്തിനു വേണ്ടി ഏറ്റവും ഏളുപ്പം ചെയ്യാവുന്ന തൊഴിലായ കളവ്‌, പിടിച്ചുപറി, എന്നിവ ചെറുതും വലുതു മായ തോതിലും, അടിമപ്പെട്ട ദുസ്വഭാവത്തിനു ചേർന്ന മയക്കു മരുന്ന് കച്ചവടവും കള്ള വാറ്റും തൊഴിലാക്കി മാറ്റും. അങ്ങനെ സമൂഹത്തിനു ഭീഷണിയായി ഈ കാൻസർ ദിനം പ്രതി വളർന്നു കൊണ്ടിരീക്കുകയാണു.
ഇതിനു വളം വെച്ചു കൊടുക്കുന്നവർ ആരെല്ലാം?

1. മയക്കു മരുന്നു ഉൽപാദകർ - വൻകിട മാഫിയകൾ
2. ഭൂമി, ബ്ലേഡ്‌, മണൽ, കുഴൽ പണം മാഫിയകൾ - നിയമപരമല്ലാത്ത മറ്റു കള്ളത്തരത്തിലുള്ള തൊഴിലിലേർപ്പെടുന്നവർ
3. രാഷ്ടീയക്കാർ - പ്രതിയോഗികളെ ഒതുക്കാനു, അണികളെ ലഹരികൾക്കടിപ്പെടുത്തി
ആകർഷിക്കാനും
4. ക്രമസമാധാന പാലകരിലിലെ ഒരു വിഭാഗം - ഇവർ ആണു ഏറ്റവും കൂടുതൽ ഈ വിധ വിധ്വംസാകരെ വളർത്തി വലുതാക്കുന്നതു. പ്രധാന കാരണം ഇവർ അവർക്കു പൊന്മുട്ടയിടുന്ന താറാവ്‌ പോലെ ആണു - മോഷണ മുതൽ മുതൽ ലഹരി പാനീയം വരെ തരപ്പ്ടുത്താൻ ഈ ക്രിമിനൽസ്സിന്റെ സഹായം കിട്ടും

ഇവരിൽ നിന്നും രക്ഷ കിട്ടില്ലേ?

"വേണങ്കിൽ ചക്ക വേരിലും കായ്ക്കും" അതു കൊണ്ട്‌ കിട്ടും! എന്നാണു എന്റെ വിശ്വാസം!

ഇതു മാറണമെങ്കിൽ ആദ്യമായി അയൽ വാസീകൾ തമ്മിൽ സഹകരണവും, കുടുമ്പങ്ങ്ലിൽ ആശയവിനിമയം കൂട്ടുകയും ആണു വേണ്ടതു. മിക്കവാറും ഈ ഇടെ ആയി അയൽ വക്കത്ത്‌ ആരാണു താമസിക്കാർ എന്നറിയാത്ത ഗ്രമ-നഗര വാസീകളെ യും, സ്വന്തം വീട്ടിൽ അന്യനെ പോലെ മാതാപിതാക്കളോടും സഹോദരരോടും ഒന്നും ഒരിയാടാടെ തോന്നിയ പോലെ വരികയും പോവുകയും ചെയ്യുന്നവരേയും കാണാം! എന്താണു ഈ അകൽച്ച യുടെ കാരണം

വായനക്കാർ ദയവായി തങ്ങൾക്ക്‌ ഉചിതമെന്നു തോന്നുന്ന അഭിപ്രായങ്ങൾ വാദപ്രതിവാദത്തിനല്ലതെ, സ്വന്തം അഭിപ്രായ മായി മാത്രം രേഘപ്പെടുത്തിയാൽ അവയെ സമന്വയിപ്പിച്ചു കൊണ്ട്‌ ഒരു ധാരണയിൽ എത്താൻ സാധിക്കുമോ എന്നു നോക്കാം. ദയവായി അഭിപ്രായങ്ങൾ എഴുതി സഹകരിക്കുക

വിലക്കു വാങ്ങിയ ഭ്രാന്തുമായി ദൈവത്തിന്റെ സ്വന്തം നാട്‌!

ഇതൊക്കെ നോക്കാൻ ഞങ്ങളിവിടെ ഉള്ളപ്പോൾ ഇതു പറയാൻ താനാരെടോ? എന്നെങ്ങാനും ചോദിച്ചാൽ എനിക്കു ഉത്തരമില്ല....! എങ്കിലും ഞാനും മറ്റു പലരേയും പോലെ ഒരു പിതാവാണു. എന്നിലെ പിതാവിന്റെ ആശങ്കകളാണു നിരന്തരം ഇതുപോലുള്ള കാര്യങ്ങൾ കാണുമ്പോൾ എന്നെ വിഷമിപ്പിക്കുന്നതും, ആവിഷമം ഇവിടെ പ്രകടിപ്പിക്കുന്നതും..

പലപ്പോഴും വർഷങ്ങൾക്ക്‌ ശേഷം നാട്ടിൽ വരുമ്പോൾ ഞാൻ ജാതി മതഭേദങ്ങൾ മാറ്റിവെച്ച്‌ എന്റെ മക്കളേ പോലെ തന്നെ കാണുന്ന പല ചെറുപ്പക്കാരേയും വൈകിട്ട്‌ കാണുമ്പോൾ എന്തെന്നില്ലാത്ത മനപ്രയാസവും ആരോടെന്നില്ലാത്ത രോഷവും ആണു എനിക്കു അനുഭവപ്പെടുന്നത്‌.

സാധാരണ, മനോനില തെറ്റിയവരെ നമ്മൾ ആശുപത്രികളിലാക്കി ചികൾസിപ്പിക്കും. എന്നാൽ എന്റെ മക്കളേപ്പോലുള്ളവർ ....മനോനില തെറ്റിക്കാൻ പണം മുടക്കി "വിഷം" കഴിക്കുന്നു.... അതു വിവരക്കേടുകൊണ്ടോ...എന്തോ അഭിമാനമായും കരുതുന്നു....കഷ്ടം......കഷ്ടം തന്നെ!

ഈവാർത്ത നോക്കൂ:
പറവൂര്‍: മയക്കുമരുന്ന്‌ ഗുണ്ടാസംഘം ഡി.വൈ.എഫ്‌.ഐ. പ്രവര്‍ത്തകനെ പൈപ്പ്‌, കമ്പിവടി തുടങ്ങിയ മാരകായുധങ്ങള്‍കൊണ്ട്‌ അടിച്ചുകൊന്നു. പറവൂരിനടുത്ത്‌ തത്തപ്പിള്ളി അത്താണി കോളനിയില്‍ ശനിയാഴ്‌ച രാത്രിയായിരുന്നു ആക്രമണം.
മേഖലയിലെ മയക്കുമരുന്ന്‌ ഗുണ്ടാത്തലവനായ തത്തപ്പിള്ളി വയലുപാടം ജിനാപ്പി(ജിനീഷ്‌)യുടെ നേതൃത്വത്തിലുള്ള ആറംഗ സംഘമാണ്‌ ശനിയാഴ്‌ച രാത്രി 9.45ഓടെ എത്തി വീടുകയറി ആക്രമിച്ചത്‌. ( വാർത്ത ഇവിടെ നിന്നും തുടർന്ന് വായിക്കാം..)

ഈ പറയുന്ന മയക്കു മരുന്നു വിൽക്കുന്നവർ ആരെല്ലാമാണന്നു, അവിടെ താമസിക്കുന്ന എല്ലാവർക്കും അറിയാം...ആരും ഇല്ല എന്നു പറഞ്ഞാൽ വിശ്വസിക്കാൻ ബുദ്ധിമുട്ടുണ്ട്‌. ഈ നാട്ടുകാർ അവിടത്തെ പഞ്ചായത്തു മെമ്പറുടെ സാക്ഷിമൊഴിയോടുകൂടി ഒരു പരാതി ഏറ്റവും അടുത്തുള്ള പോലീസ്‌ സ്റ്റേഷനിലും, എക്സൈസ്‌ ആഫീസിലും കൊടുത്താൽ അവർ ഇവരെ പുഷ്പം പോലെ പൊക്കി അഴികൾക്കുള്ളിലാക്കാം. ഈ പ്രദേശത്തുള്ള പോസുകാർക്കും ഇവരെ പറ്റി നല്ല നിശ്ചയും ഉണ്ടായിരിക്കും.

എന്നിട്ടും എന്തുകൊണ്ട്‌ നമ്മൾ ഇതിനൊരു ശ്വാശ്വത പരിഹാരം കാണുന്നില്ല? കോടാനുകോടികൾ ഓരോ വർഷവും "ഭ്രാന്തനേപ്പോലെ മനോനിലതെറ്റിക്കാനും സ്വയം രോഗിയായി തീരാനും " ചിലവഴിക്കുന്ന വിഡ്ഡികൂശ്മാണ്ഠങ്ങളെ ഓർത്തു നെടുവീർപ്പിടുകയാണു.

സ്വന്തം അമ്മയ്ക്കും മക്കൾക്കും ഭാര്യക്കും തിന്നാൻ കൊടുക്കാതെ, മക്കളെ പഠിപ്പിക്കാൻ ശ്രദ്ധിക്കാതെ, വഴിയിൽ പട്ടി നക്കുന്ന വിലക്കു വാങ്ങിയ ഭ്രാന്തുമായി നടക്കുന്ന ഭ്രാന്തന്മാരുടെ നാട്‌ .... ദൈവത്തിന്റെ സ്വന്തം നാട്‌!

ഈ വിധമായാലെന്തുഗുണം?

ആതുരശാലകളിവിധമായാൽ
സാധുജനങ്ങൾക്കെന്തു ഗതീ....
................സാധു ജനങ്ങൾക്കെന്തു ഗതീ......

വളരെ ചെറുപ്പത്തിൽ പെരുമ്പാവൂർ ബസ്‌ സ്റ്റാന്റിൽ നിന്നും ഒരു പയ്യൻ വയറ്റത്തടിച്ചു പാടുന്ന കേട്ട ഈ ഗാനം അന്നുമുതൽ ഇന്നു വരെ ആഴ്ചയിൽ ഒരു ദിവസമെങ്കിലും ഓർക്കാതിരിക്കാൻ സാധിച്ചിട്ടില്ല. അതിനു ശേഷം ഇന്ത്യയിലെ മിക്കവാറും സ്ഥലങ്ങളിലും, ലോകത്തിലെ തന്നെ പല രാജ്യങ്ങളിലും ചെറിയ ചെറിയ ജോലികളുമായി കറങ്ങേണ്ടി വന്നിട്ടുണ്ട്‌. എവിടെ ആയാലും ഈ വരികൾ മനസ്സിൽ നിന്നും മറക്കാൻ ഇടവന്നിട്ടില്ല.

കേരളകൗമുദിയിൽ തിരുവനന്തപുരം മെഡിക്കൽ കോളേജിലെ കമ്മൂണിറ്റി മെഡിസ്സിൽ വിഭാഗം സംഘടിപ്പിച്ച വിദ്യാർത്ഥികളുടെ മെഡിക്കൽ ഗവേഷണത്തീന്റെ രണ്ടാം ദേശീയ സമ്മേലനത്തെ കുറിച്ചു എഴുതിയ വാർത്താ ലേഖനം വായിച്ചപ്പോൾ ...മനസ്സിൽ നിന്നു വീണ്ടു ഒരു ആധിയായി ആ വരികൾ എന്നെ ഒന്നു കൂടി ഉലച്ചു!

സെമിനാറിൽ അവതരിപ്പിച്ച 65-​)0 നബർ പ്രബന്ധത്തിൽ ഒരു ഹ്രുദ്രോഗവുമായി സർക്കാർ ആശുപത്രിയെ സമീപിക്കേണ്ടി വരുന്ന ഒരു ഹഭാഗ്യൻ ഐ സീ യു വരെ എത്തിച്ചേരാൻ കടക്കേണ്ട കടമ്പകൾനോക്കൂ:

1. ഒ പി ടികറ്റ്‌ എടുക്കാൻ - 3 മിനിട്ട്‌

2. ഡോക്ടരെ കാണാൻ - 10

മിനിട്ട്‌ 3. പരിശോദിക്കാൻ - 5 മിനിട്ട്‌

4. ഈ സി ജി ക്കു കാശടക്കാൻ -

5 മിനിട്ട്‌ 5. ഇ സി ജി എടുക്കാൻ 8 മിനിട്ട്‌

6. റിസൾട്ട്‌ വാങ്ങാൻ 5

മിനിട്ട്‌ 7. വീണ്ടും ഡോക്ടറെ കാണാൻ 5 മിനിട്ട്‌

8. അഡ്മിറ്റ്‌ വാങ്ങാനുള്ള കുറിപ്പു വാങ്ങാൻ 5

മിനിട്ട്‌ 9 അഡ്മിഷൻ ബുക്കു വാങ്ങാൻ - 8 മിനിട്ട്‌

10 വാഡിലേക്കൂ പോകാൻ അറ്റൻഡറുടെ സേവനം തേടി വാർഡിലെത്താൻ 5 മിനിട്ട്‌

11. വാർഡ്‌ ഡോക്ടറുടെ പരിശോദനക്കു ശേഷം ഐ സി യു വിലേക്കു മാറ്റാൻ നിർദ്ദേശം വരാൻ 15 മിനിട്ട്‌

12. ഐ സി യു വിൽ ഒഴിവ്‌ ഉണ്ടങ്കിൽ വീണ്ടു അറ്റന്ററെ കണ്ട്‌ ഐ സി യു വിലെത്തിക്കാൻ 10 മിനിട്ട്‌

13. ഐ സി യു ഡോക്ടറുടെ പരിശോദന 5 മിനിട്ട്‌

14 . മരുന്നിനു കുറുപ്പടി വാങ്ങി പുറത്തു നിന്നു മരുന്നു വാങ്ങി വരിക - 15 മിനിട്ട്‌

കടമ്പകളോടു കടമ്പകള്‍.......

ചുരുങ്ങിയ പക്ഷം 108 മിനിട്ട്‌ ഈ കണക്കനുസരിച്ചു വേണം. പ്രബന്ധകാരൻ 83 മിനിട്ടിൽ അതൊതുക്കി എങ്കിലും അതു ഞാൻ പറഞ്ഞ സമയത്തെക്കാൾ കൂടുതലാവും, ചിലസമയങ്ങളിൽ കൈമടക്കും, അതിനുള്ള വിലപേശലും എല്ലാം കഴിയുമ്പോഴേക്കും - രോഗി - രക്ഷപ്പെടാനുള്ള സാധ്യത കുറഞ്ഞു കുറഞ്ഞു വരും.

അപ്പോൾ - ആതുര ശാലകളീവിധ മായാൽ ....
സാധുജനങ്ങൾക്കെന്തു ഗതീ‍ീ‍ീ....

ജനാധിപത്യ വ്യവസ്ഥിതിയിൽ സർക്കാർ സ്ഥാപനങ്ങളുടെ ഉടമസ്ഥർ - ജനങ്ങളല്ലേ? അവരുടെ നികുതിയും മറ്റു ഫീസുകളും കൊണ്ട്‌ സ്വരുക്കൂട്ടി ഉണ്ടായ തുക വിനിയോഗിച്ചാണു എല്ലാ സ്ഥാപനഗ്ങ്ങളും ഉണ്ടാക്കുന്നതു, അവിടെ ജോലി ചെയ്യുന്നവർക്കു ശംബളം കൊടുക്കുന്ന്തും. അപ്പോൾ ഈ സർക്കാർ സ്ഥാപനങ്ങൾ 100% എല്ലാപൗരന്മാർക്കും പരമാവധി സേവനം ഉറപ്പുവരുത്തേണ്ടേ?

ഈ സർക്കാർ സ്ഥാപനങ്ങളിൽ ഏറ്റവും പ്രധാനം, ആശുപത്രി, സ്കൂൾ, നീതിനിർവ്വഹണ കാര്യാലയങ്ങൾ എന്നിവ.

സർക്കാർ ആശുപത്രിയിൽ വരുന്ന ഒരു രോഗ്ഗിക്ക്‌ അത്യാവശ്യം വേണ്ട സൗകര്യങ്ങൾ ക്ഷണനേരം കൊണ്ട ചെയാൺ ഉള്ള സൗകര്യം ഉണ്ടാക്കിയേ മതിയാകൂ. സർക്കാർ വിദ്യാലയങ്ങൾ അടിസ്താന വിദ്യാഭ്യാസത്തിനുള്ള സൗകര്യങ്ങ്ല് നിലനിർത്തിയേ മതിയാകൂ. ഏറ്റവും മികച്ച വിദ്യാഭ്യാസവും അവിടെ ലഭ്യമാക്കണം. 12-​ ക്ലാസുവരെ യുള്ള വിദ്യാഭ്യാസം ജനങ്ങ്ലുടെ അവകാശമായി കണക്കാക്കണം. പോലീസു സ്റ്റേഷൻ, കോടതി തുടങ്ങി നീതിന്യായ വ്യവസ്ഥയെ സംബന്ധിക്കുന്ന എല്ലാ കാര്യാലയങ്ങളും അഴിമതി വിമുക്ക്തവും, സേവന നിരതവുമക്കണം

അല്ലങ്കിൽ സർക്കാർ

ശാലകൾ ഈ വിധ മായാൽ

സാധുജനങ്ങൾക്കെന്തു ഗുണം

ഈ വിധമായാലെന്തുഗുണം?

കേരളകൌമുദിയിലെ വാര്‍ത്താ‍ലേഖനത്തോട് കടപ്പാട് (ഇവിടെ ക്ലിക്കുക)

വിത്തു ഗുണം പത്തു ഗുണം

ഭാരതത്തിലെ എല്ലാ ഉത്തരവാദിത്വപ്പെട്ട ഉദ്യോഗസ്തരും, പെതുപ്രവർത്തകരും, രാഷ്ട്രീയനേതാക്കളും ശ്രദ്ധയോടെ കേഴ്ക്കേണ്ട ഒരു പരാമർശമാണു ബഹുമാനപ്പെട്ട
ജസ്റ്റീസ് ശ്രീ. ആർ ബസന്തിന്റെതു. അതിൽ പ്രധാനപ്പെട്ട വാചകമാണു

“ഔദ്യോഗിക പദവിയും സ്ഥാനവും സത്യത്തിനും നീതിക്കും വേണ്ടി പൊരുതാനുള്ളതാണു. സത്യം, നീതി, ധർമ്മം, ശരി തുടങ്ങിയവക്കുവേണ്ടിയുള്ള പോരാട്ട, മന്ദഗതിയിലാക്കുന്നതു, വാശിയോടേ അസത്യത്തിനും അനീതിക്കുമെതിരെ പൊരുതുന്നതും ഓരോ അധികാരിയുടേയും ജന്മ ഗുണത്തിനു അനുസരിച്ചിരിക്കും. അതില്ലെങ്കിൽ പദവിയോ അധികാരമോ കൊണ്ട് ഒരു മാറ്റവും ഉണ്ടാകാനാവില്ല .”

ദുരൂഹതകൾക്കു പരിഹാരം തേടാൻ അഭയ കേസിനെ പരാമർശിക്കുന്നതിനിടായിലാണു മധ്യമങ്ങളോടു അഹ്വാനം ചെയ്തതു. കലാകൌമുദി വാർത്ത വായിക്കുക

വിത്തു ഗുണം പത്തു ഗുണം എന്നു കാരണവന്മാർ പറഞ്ഞുകേട്ടിട്ടില്ലേ?

സത്യം പുറത്തായപ്പോള്‍‌ സത്യവും പൊട്ടി

സത്യം പുറത്തായപ്പോള്‍‌ സത്യവും പൊട്ടി

സത്യം -വിവരസാങ്കേതിക രംഗത്ത്‌ അത്ഭൂതമായി മുന്നേറിയ സത്യം , അസത്യത്തിന്റെ ഭാണ്ഡക്കെട്ടിനുള്ളിൽ കിടന്നു നാറുന്നു. സത്യം എന്നു മാത്രമല്ല പല സ്വകാര്യമേഘലയിലുമുള്ള വൻകിടകമ്പനികളും ഇത്തരം പെള്ളയായ ബാലൻസ്‌ ഷീറ്റുകൾ പ്രചരിപ്പിച്ചു ഓഹരിക്മ്പോളത്തിൽ മൂരിക്കുട്ടന്മാരായി ഓടിനടക്കുന്നുണ്ടാവാം.

61കോടി ലാഭത്തെ 649കോടിയാക്കി പെരുപ്പിച്ചുകാണിക്കുന്ന അഭ്യാസമാണു കമ്പനികാണിച്ചതു. എന്നിട്ടും, ലോകത്തിലെ തന്നെ പ്രമുഖ ആഡിറ്റേർസ്‌ ആയ അമേരിക്കൻ കമ്പനി പൈവറ്റ്‌ വാട്ടർ ഹൗസ്‌ കൂപ്പറിലെ കണക്കപിള്ളമാർക്കു ഇന്ത്യയിലെ കണക്കിനുമിടുക്കരായ "ഹൈദ്രബാധി കണക്കപ്പിള്ളമാരുടെ” കളികൾ കണ്ടുപിടിക്കാൻ പറ്റിയില്ല എന്നതാണോ സത്യം - അതോ പറ്റിയില്ല എന്നു നടിച്ചതാണൊ?

കാര്യങ്ങൾ എന്തൊക്കെ ആയാലും, ഒരു കാര്യം സത്യം- "മിന്നുന്നതെല്ലാം പൊന്നല്ല" എന്ന പോലെ നമ്മൾ വളരെ വിശ്വസ്തതയോടെ കാണുന്ന പലരും "പെരും കള്ളത്തിനെ വെള്ളപുതപ്പിട്ട്‌ പുതച്ചു " നമ്മുടെ മുന്നിൽ അവതരിപ്പിക്കുന്നതു കൊണ്ടാകാം. ഇങ്ങനെയൊക്കെ ആവുമ്പോൾ വെട്ടിലാകുന്നതു ആസ്ഥാപനത്തിലെ നിക്ഷേപകരും, ജോലിക്കാരുമാണു. സ്വകാര്യമേഘലയിൽ വൻ കിട സ്ഥാപനങ്ങൾ ഉണ്ടാകാൻ പ്രേരിപ്പിക്കുന്ന പ്രവണത ഒഴിവാക്കീ അനേകം ചെറുകിട വ്യാപാര വ്യവസായ സ്ഥാപനങ്ങൾ സ്ഥാപിക്കുന്നതായിരിക്കും രജ്യത്തിന്റെ സ്ഥിരമായ സമ്പത്ത്‌ വ്യവസ്ഥക്കു ഉത്തമം. കബളിപ്പിക്കപെടുവാൻ ഉള്ള സാഹചര്യം ഇതിനാൽ ഇല്ലാതാകും.

നമ്മുടെ റീട്ടെയിൽ മേഘല ഇതുപോലെ കൈയ്യടക്കാൻ ശ്രമിക്കുന്ന റിലൈൻസ്‌, ടാറ്റ തുടങ്ങിയവരുടെ ശ്രമങ്ങളെ തടയേണ്ടതു കൂടി ആണു. പറഞ്ഞു ബോധ്യപ്പെടുത്താൻ പ്രയാസമേറിയ പല ബുദ്ധിമുട്ടുകളും, ഇത്തരം വമ്പൻ ശ്ര്ംഘലകൾ മൂലം നമ്മുടേതു പോലെ കാർഷിക-വ്യാവസായിക മേഘലയെ അടിസ്ഥാനപ്പെടുത്തി ജിവിക്കുന്ന ജനസമുദായത്തിനു ഹാനികരമാണു എന്നു മാത്രമല്ല അനേകരുടെ കഞ്ഞിയിൽ മണ്ണു വാരിയിടുകകൂടി ചെയ്യും. അതിനാൽ നമുക്കു " ഭാരതത്തിന്റെ മണ്ണിനും സാഹചര്യങ്ങൾക്കും, ജനത്തിനും,ജീവിതരീതിക്കും എല്ലാം യോജിച്ച, ഈ സംഗതികളെല്ലാം ഉൾക്കൊണ്ട്‌ ഉരുതിരിഞ്ഞു വരുന്ന ഒരു വ്യവസ്ഥിതി ആണു ഉത്തമം..”

സമ്പത്തിനേക്കാള്‍‌ പ്രധാനം സമാധാനമാണു! സമ്പത്തിനു പിറകെ ഓടാന്‍ തുടങ്ങിയാ‍ല്‍‌ സമാധാനം പിന്നോട്ട് ഓടി പോകും!

റിയൽ എസ്റ്റേറ്റ് അവതാളത്തിൽ

ഇന്നത്തെ സാഹചര്യത്തിൽ യു എ ഇ യിൽ കെട്ടിട വാടകയിൽ കുറവു വരുന്നതു മലയാളികൾക്കു വലിയ ആശ്വാസമാകും. കെട്ടിടവാടക ഗൾഫിൽ മൊത്തം തന്നെ 3൦ % വരെ കുറയുവാൻ സാ‍ധ്യതകൾ കാണുന്നുണ്ട്. കാരണം ഈ കെട്ടിപൊക്കി യിട്ടുള്ള കോണ്ഗ്രീറ്റ് സൌധങ്ങൾ അധികവും, ബാങ്കിൽ നിന്നും എടുത്ത പണംകൊണ്ട് പടുത്തുയർത്തിയതാണു. അതു ഇന്നതെ സാമ്പത്തിക മാന്ദ്യം കണക്കിലെടുക്കുമ്പോൾ, അധികവും കാലിയായി തന്നെ കിടക്കാനാണു സാധ്യുതയും. കുവറ്റിലും ഖത്തറിലും വളരെ കുറച്ചു മാത്രമേ ഈ പ്രതിസന്ധി ബാധിക്കാൻ ഇടയുള്ളു. എന്നാൽ, ദുബായ്, ബഹറിൻ ഇവിടങ്ങളിൽ സാമാന്യം വലിയ തോതിൽ ഇതിന്റെ ഇഫട്ക്റ്റ് ഉണ്ടായേക്കും.

EMIRATES ബിസിനസ്സ് ലെ ലേഖനം ഇവിടെ. എന്നാൽ ഇതിനേക്കാൾ ഒക്കെ മോശമായ സ്ഥിതിയാണു റിയൽ എസ്റ്റേറ്റ് മേഘലക്കു തരണം ചെയ്യാനുള്ളതു എന്നാണു കണക്കുകൂട്ടൽ.

ഇന്ത്യയിൽ ആറ് മാസത്തേക്കു പുതിയ വ്യാപാരങ്ങൾ കാര്യമായി നടക്കാതെ വന്നാൽ, വൻ സ്വപനങ്ങൾ കണ്ട് പണതു കൂട്ടിയ റിയൽ എസ്റ്റേറ്റുകാർക്കു വയനാട്ടിലെ കർഷകന്റെ ഗതി വരുമോ എന്ന് ആരറിഞ്ഞു?

കേരളത്തിൽ റിയൽ എസ്റ്റേറ്റ് അവതാളത്തിൽ ആണന്നുള്ളതിന്റെ തെളിവാണു പലരും പല പ്രലോഭനങ്ങളും നൽകി ഫ്ലാറ്റുകൾ വില്പന നടത്താൻ രംഗത്തെത്തിയിരിക്കുന്നതു. വ്യാപാരികൾ ലാഭമുണ്ടാക്കാൻ അടവുകൾ എടുക്കുന്നത് പോലെ തന്നെ ആവശ്യക്കാർ തങ്ങൾക്ക് ലാഭത്തിനു കിട്ടുന്നതുനു വേണ്ട അടവുകൾ പ്രയോഗിക്കാം. ഒരു ആറു മാസത്തേക്കു - ഒന്നു ക്ഷമിച്ചാൽ മതി! 25 മുതൽ 30 ശതമാനം വരെയെങ്കിലും വിലക്കുറവു പണിതീർന്ന ഫ്ലാറ്റ് സമുച്ചയങ്ങളിൽ വന്നേക്കും. എന്നാൽ പോലും നിർമ്മാതാക്കൾക്കു നഷ്ടം വരുന്നില്ല എന്നതാണു സത്യം. അതുകൊണ്ട് ഫ്ലാറ്റു വാങ്ങാനുള്ളവർ ക്ഷമകാണിക്കുക .

കേരളത്തിൽ നക്സലുകൾ ഭരണകക്ഷിയായോ.....

മാർക്സിസ്റ്റ് പാർട്ടി എന്നാൽ ഒരു ഗുണ്ടാപാർട്ടി എന്ന സൽ‌പ്പേരു നിലനിൽക്കുമ്പോൾ തന്നെ അതിലെ യുത്തുവിഭാഗം ഒരു പടികൂടി മുൻപോട്ടുപോയി പഴയ നക്സൽ ആക്രമണം പോലെയുള്ള ചില മഹാപ്രകടനങ്ങൾ നടത്തി പ്രതികളെ മോചിപ്പിച്ചു തറവാടിത്തം തെളിയിച്ചിരിക്കുകയാണു കുമരകം പോലീസ് സ്റ്റേഷനിൽ! മാത്രുഭൂമിവാർത്തയുടെ ഒരു ഭാഗം താഴെ

ഡി.വൈ.എഫ്‌.ഐ.സംഘം പോലീസ്‌സ്റ്റേഷന്‍ ആക്രമിച്ച്‌ പ്രതികളെ മോചിപ്പിച്ചു :

കുമരകം:

അര്‍ദ്ധരാത്രി മദ്യപിച്ച്‌ ബഹളം കൂട്ടിയതിന്‌ അറസ്റ്റ്‌ ചെയ്‌ത പ്രതികളെ ഡി.വൈ.എഫ്‌.ഐ.നേതാവിന്റെ നേതൃത്വത്തിലുള്ള സംഘം കുമരകം പോലീസ്‌സ്റ്റേഷന്‍ ആക്രമിച്ച്‌ മോചിപ്പിച്ചു. ആക്രമണത്തില്‍ മൂന്നു പോലീസുകാര്‍ക്ക്‌ പരിക്കേറ്റു. ഇവരെ കോട്ടയം ജില്ലാആസ്‌പത്രിയില്‍ പ്രവേശിപ്പിച്ചു. പോലീസ്‌സ്റ്റേഷനും ജീപ്പിനും കേടുപാടുകള്‍ വരുത്തിയിട്ടുണ്ട്‌.വ്യാഴാഴ്‌ച പുലര്‍ച്ചെ ഒരു മണിയോടെയാണ്‌ സംഭവം. ഡി.വൈ.എഫ്‌.ഐ. മേഖലാ സെക്രട്ടറി മാത്യു ജോസഫ്‌ ഉള്‍പ്പെടെയുള്ള 25ഓളം പേരെ പ്രതിചേര്‍ത്ത്‌ കേസെടുത്തു. ആരെയും അറസ്റ്റ്‌ ചെയ്‌തിട്ടില്ല. മാത്യു ജോസഫിനെയും മറ്റൊരു പ്രതിയായ അനീഷിനെയും സംഘടനയില്‍ നിന്നും പുറത്താക്കിയതായി ഡിവൈഎഫ്‌ഐ ജില്ലാ സെക്രട്ടറി ജെ.ജയകൃഷ്‌ണന്‍ അറിയിച്ചു. അക്രമം സംബന്ധിച്ച്‌ സ്‌പെഷ്യല്‍ ബ്രാഞ്ച്‌ പോലീസ്‌ ഐജി, ഡി.ഐ.ജി.എന്നിവര്‍ക്ക്‌ റിപ്പോര്‍ട്ട്‌ നല്‌കി.

എന്നാൽ വേറെ കുറെപ്പേർ വലിയതുറ പോലീസ് സ്റ്റേസഷൻ ആക്രമിച്ചു അവിടെനിന്നും മോചിപ്പിച്ചു കുറെ പേരെ!

മാത്രുഭൂമിയിലെ തന്നെ വേറൊരു കിടിലൻ വാർത്ത:

പോലീസ്‌സ്റ്റേഷന്‍ കൈയേറി പ്രതികളെ മോചിപ്പിച്ചു

തിരുവനന്തപുരം: പുതുവത്സര രാത്രിയില്‍ വലിയതുറ പോലീസ്‌സ്റ്റേഷനില്‍ ഒരു സംഘം കടന്ന്‌ നാല്‌ പ്രതികളെ മോചിപ്പിച്ചു. ബുധനാഴ്‌ച രാത്രി രണ്ടുമണിയോടെയായിരുന്നു സംഭവങ്ങളുടെ തുടക്കം. വലിയതോപ്പ്‌ സ്വദേശികളായ അലനും ശ്രീചിത്രാ നഗര്‍ സ്വദേശികളായ സുരേഷ്‌ (30), സഹോദരന്‍ പ്രസാദ്‌ (25) എന്നിവരും തമ്മില്‍ തര്‍ക്കമുണ്ടാവുകയും മറ്റൊരാള്‍ക്ക്‌ മര്‍ദ്ദനമേല്‍ക്കുകയും ചെയ്‌തു. അല്‌പസമയത്തിനുശേഷം മര്‍ദ്ദനമേറ്റയാളും സുഹൃത്തുക്കളും ചേര്‍ന്ന നാലംഗ സംഘം സുരേഷിനേയും പ്രസാദിനെയും മര്‍ദ്ദിച്ചു. ഇവരെ ആസ്‌പത്രിയിലാക്കിയ ശേഷം പോലീസ്‌ നടത്തിയ പരിശോധനയില്‍ നാലുപേരെ കസ്റ്റഡിയിലെടുത്തു.

ഇനി മുതൽ കോടതികളിൽ ജാമ്യാപേക്ഷയുമായി കോട്ടൂരാനും പൂത്രുക്കയുമൊക്കെ കേറിയിറങ്ങാൻ വക്കീലിനെ ചട്ടം കെട്ടണോ? ഭരണകക്ഷിയിലെ കൊട്ടേഷൻ സംഘത്തോടു പറഞ്ഞാൽ പോരെ?

കോട്ടൂരച്ചൻ ലഡ്ഡുതിന്നണ പടം മാത്രുഭൂമിയിൽ കണ്ടപ്പോൾ തോന്നി : ജനിക്കുവാണേൽ കോട്ടൂരാനായി ജനിക്കണം (സഭയുടെ കോട്ടല്ല തൊലി മൊത്തമായി ഊരിച്ചെങ്കിലും കുഞ്ഞാടുകൾക്കു എന്തു സ്നേഹമാ .... കർത്താവേ! അങ്ങ് ഇതു കാണുന്നുവോ?

(ചിത്രത്തിനു മാത്രുഭൂമിയോടൂ കാടപ്പാട്)

2009 നു സ്വാഗതം

2009 നു സ്വാഗതം

ഈ മാലോകരൊന്നും സ്വാഗതമോതിയില്ലങ്കിലും അങ്ങു വരും! എന്തെന്നാൽ അങ്ങ്‌ കാലമാകുന്നു.

അങ്ങയുടെ പേരിൽ മാലോകരായ മാലോകർക്കെല്ലാം നന്മകളും, ആശം സകളും നേരുകയാണു!

അങ്ങെങ്കിലും അൽപം സ്നേഹം എന്റെ സഹജീവികളോടു കാണിക്കില്ലേ...........?

എല്ലാ മാലോകർക്കും രണ്ടായിരത്തി ഒൻപതാമാണ്ടിന്റെ

പേരിൽ പുതുവത്സരാശംസകൾ

എല്ലാവരോടുംഒത്തിരി സ്നേഹത്തോടെ

ഒരു “ദേശാഭിമാനി”

ഇപ്പോഴെ മുതല്‍ ഇതൊന്നു മനസ്സിലാക്കിയാല്‍‌ ....

മാന്ദ്യം നേരിടാന്‍ ഭക്ഷണപ്പൊതി ശീലമാക്കണമെന്ന്‌ സ്‌കോറ്റിയ ബാങ്ക്‌

ടൊറോന്‍േറാ: സാമ്പത്തികമാന്ദ്യത്തെ നേരിടാന്‍ പുറത്തുനിന്നുള്ള ഭക്ഷണം ഒഴിവാക്കണമെന്ന്‌ കനേഡിയന്‍ ബാങ്ക്‌.
മാന്ദ്യത്തെ നേരിടാന്‍ ഒരുങ്ങാന്‍ ബാങ്ക്‌ പുറത്തിറക്കിയ ലഘുലേഖയിലാണ്‌ ഇക്കാര്യം നിര്‍ദേശിച്ചിരിക്കുന്നത്‌. ചെലവുകുറയ്‌ക്കാനും കടങ്ങള്‍കഴിയുന്നതും വീട്ടാനും എല്ലാദിവസവും പുറത്തുനിന്നും ഭക്ഷണം കഴിക്കുന്നത്‌ ഒഴിവാക്കാനും നിര്‍ദേശിച്ചിരിക്കുന്നത്‌ സ്‌കോറ്റിയ ബാങ്കാണ്‌. 50 രാജ്യങ്ങളില്‍ ശാഖകളുള്ള സ്‌കോറ്റിയ കാനഡിയിലെ രണ്ടാമത്തെ വലിയ ബാങ്കാണ്‌. ജീവിത ചെലവുകുറച്ച്‌ ആ തുക കടം വീട്ടാനോ സമ്പാദ്യത്തിനോ ഉപയോഗിക്കണമെന്നാണ്‌ ബാങ്ക്‌ നിര്‍ദേശിച്ചിരിക്കുന്നത്‌. കടങ്ങളുടെ പലിശനിരക്കിനെക്കുറിച്ച്‌ സ്വയം ബോധ്യവാനാകണം. പുറത്തുനിന്നും കഴിക്കുവാനായി വീട്ടില്‍ നിന്നുള്ള ഭക്ഷണപ്പൊതി ശീലമാക്കണമെന്നും ബാങ്ക്‌ ഉപദേശിക്കുന്നു. മാസികകളുടെയും മറ്റും വരിസംഖ്യയിലും കുറവുവരുത്താനും ബാങ്ക്‌ നിര്‍ദേശിക്കുന്നുണ്ട്‌. പകരം ലൈബ്രറികള്‍ സന്ദര്‍ശിക്കാനാണ്‌ ഉപദേശം. : ഇത്രയും മാത്രുഭൂമിയിലെ വാര്‍ത്തയാണു.

മേല്‍‌ പറഞ്ഞ കാര്യം പണ്ടേ മുതല്‍‌ ശീലമാക്കിയിരുന്നെങ്കില്‍‌ ഇന്നു കാണുന്ന സാമ്പത്തിക പ്രതിസന്ധി ഒരു പക്ഷേ ഉണ്ടാകുമായിരുന്നില്ല.

വീട്ടീള്‍‌ നിന്നും രണ്ടോ മൂന്നോ കിലോമീറ്റര്‍‌ ദൂരെയുള്ള ജോലിസ്ഥലത്തേക്ക് ജോലിക്കാര്‍‌ ബൈക്കില്ലാതെ പോകില്ല. ചിലര്‍ക്കു കാറുതന്നെ വേണം. കുട്ടികള്‍ക്കു സ്കൂള്‍ബസിലോ തിക്കിതിരക്കി ഞെരിഞ്ഞമർന്നു തന്നെ പോകണം. ഇത്രയും ചെറിയ ദൂരം നടന്നു പോകാനെ ഉള്ളു. ആരോഗ്യത്തിനും, പരിതസ്ഥിതിക്കും, മടിശീലക്കും ഈ ചെറുദുരങ്ങൾ നടന്നു പോയാല്‍‌ എത്രയോ നല്ലതു. എന്നാൽ അവരെങ്ങനെ നടക്കും? മനുഷ്യരെ മടിയന്മാരാക്കി മാറ്റി മുതലാളിമാര്‍‌ അവരെ കറവപശുക്കളാക്കിതീര്‍ത്തിരിക്കുകയല്ലേ?
മടിയുടെ കൂടെ പൊങ്ങച്ചവും അവര്‍‌ വിതരണം ചെയ്യും പരസ്യത്തിലൂടെ. മനുഷ്യന്റെ ഈഗോയെ മുതലെടുക്കുന്ന പരസ്യങ്ങള്‍! അതേറ്റുപിടിക്കാൻ വിവരം കെട്ട ചില വീട്ടമ്മമാരും, അവരുടെ ട്രെയിങ്ങിൽ അമുൽ‌പാലും, ടിൻഫുഡും കഴിച്ചു വളരുന്ന വളരുന്ന (വിവരവും ബുദ്ധിയും ഒഴിച്ചു) കുറെ പിള്ളാരും! :)

ഇനിയെങ്കിലും പഠിക്കുക.... ചുറ്റും കാണുന്ന അനുഭവങ്ങളിൽ നിന്നും പാഠം ഉൾക്കൊണ്ട് ഇനിയും മുന്നോട്ട് പോയില്ലങ്കിൽ, ഭൂമി നരകതുല്യമാവും!

ആര്‍ഭാടമല്ലല്ലോ സന്തോഷം തരുന്നതു! മനശാന്തിയല്ലേ! ആരോഗമുള്ള ശരീരം, അത്യാവശ്യ സമ്പാദ്യം, വ്രുത്തിയോടെ വീട്ടിലുണ്ടാക്കിയ ആഹാരം, മറ്റു മനുഷ്യരെ സഹായിക്കാനുള്ള സന്‍‌മനസ്സ്, മറ്റുള്ളവരുടെ സംത്രുപ്തി കാണാനുള്ള ആഗ്രഹം.... ഇത്രയുമൊക്കെയുണ്ടോ, .... വെരി ഗുഡ്! അയാൾ ഒരു ആവരേജ് മനുഷ്യനായി!

നമ്മുടെ നാട്ടിലുള്ളവര്‍‌ ഇപ്പോഴീകാണുന്ന വികസനപ്രവർത്തനത്തോടനുബന്ധിച്ചു “പത്തു പുത്തൻ” കണ്ട് നെഹ്ലിക്കാതെ, ഇപ്പഴേ മുതല്‍ ഇതൊന്നു മനസ്സിലാക്കിയാല്‍‌ .... വരുന്ന തലമുറക്കു നല്ലതു.

പാക്‌ സർക്കാർ ഭീകരരെ അനുക്കുലിച്ചേ മതിയാകൂ.

എന്റെ അനേക വർഷത്തെ വിദേശവാസമെനിക്കു അനേകം സുഹ്രുത്തുക്കളെ ലഭിക്കാൻ ഇടയാക്കിയിട്ടുന്റ്‌. അതിൽ ന ല്ലൊരു വിഭാഗം പാക്കിസ്താനികളുമുണ്ട്‌. അവരിൽ 99.99%വും വളരെ നല്ലവറാണു.

എന്നാൽ പാക്കിസ്താനിലെ മാറി മാറി വരുന്ന സർക്കാരുകൾ പലപ്പോഴും പാവകളായി തിരുന്ന കാഴ്ച പാക്കിസ്താനികളേ മൊത്തത്തിൽ കരിവാരിതേക്കുന്ന രീതിയിൽ ആണു. പാക്‌ സർക്കാർ അവിടെ നിലനിൽക്കണമെങ്കിൽ അവർക്കു ഭീകരരായ മതവാദികളെ അനുക്കുലിച്ചേ മതിയാകൂ. ഭരിക്കുന്ന നല്ലവരായ ചുരുക്കും, ചില മന്തിമാരും ഉദ്യോഗസ്തരും ഇതിനെതിരാണെങ്കിൽ പോലും ജീവഭയം അവരെ മത ഭീകരതക്കു കൂട്ടുനിൽക്കാൻ പ്രേരിപ്പിക്കുന്നതായിട്ടാണു അവിടെ നിന്നും വരുന്ന ചില പ്രസ്താവനകളും വാർത്തകളും വിശകലനം ചെയ്താൽ മനസ്സിലാക്കാൻ സാധിക്കുന്നതു.

അക്രമികളായിടുള്ള ഭീകരർ ബുദ്ധിഹീനരും, ആലോചനാശേഷി മരവിച്ചവരുമാണു = വെറും കൊലയാളികൾ. അവരുടെ മുൻപിൽ ഒരു വേദവും വിലപോകില്ല. അവർ തീർച്ചയായും ഒരു മതത്തിലും വിശ്വസിക്കുന്നു എന്നു എനിക്കു തോന്നുന്നില്ല. കൊല്ലണം - അതു കണ്ട്‌ രാക്ഷസരെ പോലെ ആർത്തു ചിരിക്കണം!

ഇവർമൂലം പാക്കിസ്താൻ വളരെ ബുദ്ധിമുട്ടിലാകാൻ പോകുകയാണു. ഭീകരരുടേ ഈറ്റില്ലമായി പാക്കിസ്താനെ പ്രഖ്യാപിക്കാൻ ലോകരാഷ്ട്രങ്ങൾ തയാറാകണം. തെറ്റു ചെയ്യുന്ന ഭീകരരെ ശിക്ഷിന്നതിനു പകരം അവരെ സംരക്ഷിക്കുന്ന പാക്‌ സർക്കാർ അവരിലും വലിയ ഭീകരരല്ലേ!

അവർക്കെതിരെ ലോകാരാജ്യം ഒത്തൊരുമയോടെ ന ടപടി സ്വീകരിച്ചില്ലങ്കിൽ അവിടത്തെ മദ്രസകൾ എന്ന പേരിലോ മറ്റോ നടത്തപെടുന്ന ക്യാമ്പുകളിനിന്നും പുറത്തു വരുന്ന ഭീകരർ ലോകത്തിനു തന്നെ ഭീഷണിയാകും - ഇപ്പോൾ തന്നെ ഭീഷണി ആണു, ഇതു ഇതു ഇതിന്റെ പതിന്മടങ്ങു ഇരട്ടിക്കുന്നതിനു മുൻപു കൂട്ടായ നടപടി സ്വീകരിക്കണം.

എന്നൽ ഇന്ത്യ ഒറ്റക്ക്‌ ഒന്നും ചെയ്യരുതു - കാരണം ഇവരെ സഹായിക്കുന്ന വലിയ ഒരു വിഘടനവാദികളുടെ സമൂഹം ഇന്ത്യയിലുമുണ്ട്‌. അതുകൊണ്ട്‌ നമ്മൾ തനിയെ പോരാടിയാൽ "സാന്റുവിച്ചീലെ പച്ചില പോലെ അമക്കപ്പെടും"

മാത്രുഭൂമി വാർത്ത വായിക്കുക : സ്വയം വിശകലനം ചെയ്യുക

ഞാനിപ്പ് പോസിറ്റീവായി ചിന്തിച്ചു തുടങ്ങി

എന്റെ പ്രിയപ്പെട്ട മദ്യപാനികളയായ സഹോദരീ സഹോദരന്മാരെ!

ഹാപ്പീ ക്രിസ്തുമസ്സ്(ഇന്നലെ പൂസ്സല്ലായിരുന്നോ- അതുകൊണ്ടാണു ഇന്നു പറേണേ)

നിങ്ങൾക്കു എന്റെ അകൈതവമായ ക്രുതജ്ഞത രേഖപ്പെടുത്തുന്നതിനാണു ഈ കുറിപ്പു എഴുതുന്നതു.

നിങ്ങളില്ലങ്കിൽ ഞങ്ങളില്ല, കേരളമില്ല, മന്ത്രിപണിചെയ്യാൻ ആളുണ്ടാവില്ല, സർക്കാ‍രാപ്പീസിൽ പണിക്കാ‍രുണ്ടാകില്ല, നിങ്ങളാണു താരം, അല്ല താരങ്ങൾ സഹോദരരേ...നിങ്ങളാണു!

നിങ്ങളുടെ ദേശസ്നേഹം ഞാൻ വാനോളം പുകഴ്ത്തുന്നു. നിങ്ങളിൽ പലരും, പകലന്തിയോളം പണി ചെയ്തു, സന്ധ്യ മയങ്ങുമ്പോളേക്കും കിട്ടിയ കാശുമായി പട്ടകട (ബാർ) വന്നു സ്വന്തം ബുദ്ധിയും,ശരീരവും നശിച്ചാലും വേണ്ടില്ല - നാടു നന്നാവട്ടെ എന്ന മഹനീയ വിചാരത്താൽ കിട്ടിയ കാശുകൊടുത്തു കിട്ടിയപട്ടയുമടിച്ചു കാനയിലും, റോഡിലും വീണ്, നാടിന്റെ സമ്പൽ സമർദ്ധിയെ കാക്കുന്ന നിങ്ങളുടെ ഹ്രുദയ വിശാലാതയെ നമിക്കട്ടെ!

ക്രിസ്തുമസ് എന്ന് ഈ പ്രത്യേകമായ സന്തോഷത്തിന്റ്റെ ദിവസം ആഘോഷത്തിന്റെ മാറ്റുകൂട്ടാൻ നിങ്ങൾ മദ്യമെന്ന “വിഷം” വങ്ങാൻ ചിലവഴിച്ചതു നാല്പത്തിഒന്നു കോടി മുപ്പ്ത്തി ഒൻപതു ലക്ഷം രൂപയാണു! അങ്ങനെ വീർപ്പുമുട്ടുന്ന സാമ്പത്തിക പരാധീനതയെ നിങ്ങളു അകമഴിഞ്ഞു സഹായിച്ചതിൽ കള്ളു മാഫിയയുടെ പേരിലും, കള്ളുവകുപ്പിന്റെ പേരിലും കള്ളവാറ്റുകാരുടെ ഖജനാവിന്റെ പേരിലും(ഇവരൊന്നും ഒരിക്കലും ഇതു പറയില്ല, നന്ദിയില്ലാത്തവർ) ഞാൻ നന്ദി രേഖപ്പെടുത്തുന്നു.

നിങ്ങളുടെ ഈ സഹകരണം പുതു വർഷപ്പുലരിയിലും ഉണ്ടാവുമെന്നു ഉറച്ചു വിശ്വസ്സിച്ചുകൊള്ളട്ടേ!

ഒരു കൊറച്ചു കണക്കു മനോരമ പറയും ദേ ഇവിടെ ഞെക്കി ഒന്നു വായിച്ചേ....

ഞാനിപ്പ് പോസിറ്റീവായി ചിന്തിച്ചു തുടങ്ങി... ആട്ടിയ വഴി പോയില്ലങ്കിൽ പോയ വഴിയേ ആട്ടുക എന്നല്ലെ ആരോ പറഞ്ഞിരിക്കുന്നതു!

നൂറ്റമ്പത് കോടി മക്കളെ പെറ്റ മാതാവു

ബോമ്പെ ആക്രമണം സമ്പന്ധിച്ചും, ഭീകരരെ നേരിടുന്നതും സംബന്ധിച്ചു ഇതു വരെയുള്ള നമ്മുടെ പ്രധാനമന്ത്രി , വിദേശകാര്യമന്ത്രി, ആഭ്യന്തരമന്ത്രി ഇവരുടെ നീക്കങ്ങളൂം പ്രസ്താവനകളും ശരിയായ ദിശയിലാണു നീങ്ങുന്നതു. എന്നാൽ ഭീകരതയും, വർഗ്ഗീയതയും ഊട്ടിവളർത്തുന്ന പാക്കിസ്താൻ അവരുടേ സ്ഥായിയായ വഗ്ഗസ്വഭാവം വീണ്ടും വീണ്ടും പ്രകടിപ്പിച്ചു നമ്മെ പ്രകോപിപ്പിച്ചു കൊണ്ടിരിക്കുകയാണു. വന്യ മ്രുഗങ്ങൾക്കു വന്യത വെടിയാൻ സാധിക്കുമോ?

എന്നാൽ ഒരു യുദ്ധം ഒഴിവാക്കാനുള്ള എല്ലാവിധ പ്രവർത്തനങ്ങളും നമ്മുടെ ഭാഗത്തു നിന്നു ഉണ്ടാകട്ടെ എന്നു നമുക്കു ആശിക്കാം. വിധി അതിനെതിരാണങ്കിൽ - ധർമ്മം ജയിക്കട്ടെ!

ഇന്ത്യയെ മുഗുൾ കാലഘട്ടത്തിലേക്കു തിരിച്ചു കൊണ്ട് വരണമെന്ന പാക്കിസ്താന്റെ ആഗ്രഹം ഇതോടെ അവസാനിക്കണം. ഭാരതമാതാവിനെ കൂട്ടികൊടുക്കുന്ന നമ്മുടെ രാജ്യത്തുതന്നെയുള്ള വിധ്വംസകപ്രവർത്തകർ
ദയ ഒട്ടും അർഹിക്കുന്നില്ല!

ഇന്നലെ രാത്രി “അൽ ജസീറ ടീവിയിൽ” വാർത്തയോടൊപ്പം അവർ കാണിച്ച ഇന്ത്യയുടെ ചിത്രം കണ്ടവർ പുറത്തുള്ള “ചില പ്രത്യേക വർഗ്ഗം” നമ്മുടെ രാജ്യം എങ്ങനെ ആയിതീരണമെന്ന അവരുടെ മനസ്സിലിരുപ്പു മനസ്സിലാകും. ആ ചിത്രങ്ങളിൽ ഇന്ത്യക്കു “തല” ഇല്ല - കാശ്മീർ പൂർണ്ണമായി അവർ വെട്ടിമാറ്റിയിരുന്നു! എന്നാൽ ബി ബി സി , സി എൻ എൻ, ഫ്രഞ്ച് ടീവി തുടങ്ങിയവയിൽ കാശ്മീർ ഓക്കുപൈഡു കാശ്മീർ എന്ന ര്രുപേണ കാശ്മീരിന്റെ കുറെ ഭാഗം നിറം മാറ്റി കാണിക്കാറെയുള്ളൂ.:

(.മുംബൈ ഭീകരാക്രണവുമായി ബന്ധപ്പെട്ട്‌ കൈമാറിയ തെളിവുകളുടെ അടിസ്ഥാനത്തില്‍ നടപടിയെടുക്കണമെന്ന ശക്തമായ താക്കീത്‌ നല്‍കിക്കൊണ്ട്‌ പാകിസ്‌താനെതിരെ ഇന്ത്യ നയതന്ത്രതലത്തില്‍ സമ്മര്‍ദ്ദം ശക്തമാക്കി........മാത്രുഭൂമി വാർത്ത തുടർന്നു വായിക്കുക)

മാതാവിനു വേണ്ടി പ്രാർത്ഥിക്കുക - നൂറ്റമ്പത് കോടി മക്കളെ പെറ്റ നമ്മുടെ ഭാ‍രത മാതാവു കരയുന്നതു മാത്രുസ്നേഹമുള്ള ഏതൊരു ഇന്ത്യാക്കാരനേയും വേദനിപ്പിക്കുന്നുണ്ടാവും!

ജയ്

ഹിന്ദ്

ദൈവഭയമോ/ദൈവസ്നേഹമോ..... ?????

ദൈവ ഭയമോ - അതോ ദൈവ സ്നേഹമോ ഇതില്‍ ഏതാണു നമ്മെ നയിക്കേണ്ടതു?

സൗന്ദര്യത്തെ തിരസ്‌കരിക്കാതെതന്നെ ആത്മീയത സാധ്യമാണെന്ന്‌ സിസ്റ്റര്‍ ഡോ. ജെസ്‌മി. കളക്ടീവ്‌ ഇന്റിജന്‍സ്‌ എറണാകുളം പബ്ലിക്‌ ലൈബ്രറി ഹാളില്‍ സംഘടിപ്പിച്ച ചടങ്ങില്‍ സംസാരിക്കുകയായിരുന്നു സഭയുടെ തിരുവസ്‌ത്രം ഉപേക്ഷിച്ച സിസ്റ്റര്‍ ഡോ. ജെസ്‌മി. മത്രുഭൂമിയിലെ ലേഖനം തുടര്‍ന്നു വായിക്കുക .

“ഇതാണു വെളിപടുകള്‍”

എന്നിട്ട് കഴിവതും മനുഷ്യരെ ദൈവത്തിന്റെ പേരില്‍‌ ഭയപ്പെടുത്താതെ ദൈവ നാമത്തില്‍ സ്നേഹിക്കാനും, അനുഭവങ്ങള്‍‌ പങ്കുവക്കാനും ശ്രമിക്കാം...........................

ലോക സമസ്താ സുഖിനോ ഭവന്തു

സാധ്യമാകുമെന്നു ആർക്കെങ്കിലും തോന്നുന്നുണ്ടോ?

ഒരു രാജ്യത്തിന്റെ മൊത്തലുള്ള സുരക്ഷക്ക്‌ ഏറ്റവും അത്യവശ്യം ആണു അവിടത്തെ പൗരന്മാരുടെ തിരിച്ചറിയുന്നതിനുള്ള സംവിധാനം. ഒരു ദശകത്തിനു അപ്പുറത്തു അതിനുവേണ്ട ഒരു സംവിധാനം ഉണ്ടാക്കാൻ ഇന്ത്യ പോലെ അതി വിപുലമായ ജനസംഖ്യയുള്ള ഒരു രാജ്യത്തിനു ബുദ്ധിമുട്ട്‌ ആയിരുന്നു. എന്നാൽ ഇന്നു സ്ഥിതി മാറി. വളരെ ചുരുങ്ങിയ ചിലവിൽ വളരെ സൂക്ഷ്മമായി ഓരോ വ്യക്തിയുടേയും തിരിച്ചറിൽ സംവിധാനം അന്തർ ദേശീയമായി ചെയ്യാവുന്നതേ ഉള്ളു.

ഇന്ത്യ ഇന്നു അഭിമുഖീകരിക്കുന്ന ഭീഷണിയുടെ വലുപ്പവും, ഭീകരതയും കണക്കാക്കിയാൽ എത്ര ചിലവു വന്നാൽ തന്നെയും എത്രയും വേഗം അതിനുള്ള നടപടി ആരംഭിക്കണമെന്നു ന്യായമായും എല്ലാവരും സമ്മതിക്കും.

നമ്മുടെ ജനങ്ങളുടെ ശരീരഘടന പല സംസ്ഥാനങ്ങളിലേയും പലതരത്തിലാണു. ഇതേപോലെ തന്നെ ശരീരഘടന ഉള്ളവരാണു നമ്മുടെ അയൽ രാജ്യങ്ങളായ പാക്കിസ്ഥാൻ, ബംഗ്ലാദേശ്‌, നേപ്പാൾ, ലങ്ക, മാലിദ്വീപ്‌ മുതലായ രാജുങ്ങളിലുള്ളവരും. ഈ രാജ്യക്കാർ എല്ലാം തന്നെ പലതരത്തിൽ ഭീകരപ്രവർത്തനം നടത്താൻ ഇന്ത്യയിൽ എത്തിപെടാറുമുണ്ട്‌. അതുപോലെ തന്നെ ഇന്ത്യയിലെ ഒരു കുറ്റവാളിക്കു ഒളിക്കാൻ ഇന്ത്യയിൽ തന്നെ ധാരാളം സൗകര്യവുമുണ്ട്‌. എന്നാൽ എല്ലാവർക്കും ഏകീക്രുതമായ ഒരു തിരിച്ചറിയൽ സംവിധാനമുണ്ടങ്കിൽ കുറ്റവാളികൾക്കു രക്ഷപ്പെടാൻ പഴുതുകൾ ഇല്ലാതാകും.

കമ്പ്യൂട്ടർ- ഇലക്ടോണിക്ക്‌ ഫീൽഡിൽ നാം വളരെ മുൻപന്തിയിലാണു. എല്ലാഭാരത പൗരന്മാർക്കും, ഫോട്ടോയും വിരലടയാളവും, പരിപൂർണ്ണ മേൽവിലാസവും, ബന്ധുക്കളുടെ പൂർണ്ണവിവരവും ഡിജിറ്റൽ സംവിധാനത്തിൽ രേഖപ്പെടുത്തിയ തിരിച്ചറിയൽ കാർഡുകൾ സർക്കാർ , ചിലവായ തുക മാത്രം ഈടാക്കി എല്ലാ പൗരന്മാർക്കും നൽകണം. ഇന്ത്യ ഒട്ടാകെ ഈ കാർഡ്‌ കൊടുക്കേണ്ടി വന്നാ ഒരു കാർഡ്‌ ഉണ്ടാക്കാൻ കേവലം 15 രൂപയിൽ അധികം ചിലവു വരികയില്ല. ഇന്ത്യയുടെ ജനസംഖ്യ Population: 1,129,866,154 (July 2007 est.) ആണു. പതിനായിരക്കണത്തിനു കോടികൾ വിദേശത്തു നിന്നും കടം വാങ്ങി ധൂർത്തടിച്ചു (പച്ചമലയാളത്തിൽ "പുട്ടടിച്ചു") കളയുന്ന നമ്മുടെ സർക്കാർ ആളൊന്നുക്കു ആയിരക്കണക്കിനു രൂപയാണു ചിലവാക്കുന്നതു. എന്നാൽ ആളൊന്നു കേവലം 15-20 രൂപ മുടക്കി നമ്മുടെ സുരക്ഷക്കു ദ്രഡത വരുത്താൻ എന്താണു സർക്കാർ ആലോചിക്കാത്തതു?

എത്രയും വേഗം ഇതിനുള്ള നടപടി കേന്ദ്രസർക്കാർ കൈകൊണ്ടാൽ അത്രയും നന്നു. പ്രാദേശീകമായി ഇത്തരം തിരിച്ചറിയൽ കാർഡിലെ വിവരങ്ങൾ എല്ലാ കേന്ദ്ര -സംസ്ഥാന ആഫീസുകളുമായി ഏകീക്രുത നെറ്റ്‌വർക്കു ശ്രുഘലയിലൂടെ ബന്ധിപ്പിക്കണം.

ഇതെന്നെങ്കിലും സാധ്യമാകുമെന്നു ആർക്കെങ്കിലും തോന്നുന്നുണ്ടോ?

നീതി കിട്ടില്ലെന്ന്‌ സി.ബി.ഐ.

കോഴികൂടിനു കാവൽ കുറുക്കനാണോ? സി ബി ഐ ക്കു സംശയം തോന്നണമെങ്കിൽ കാര്യമായിട്ടെന്തെങ്കിലും കാണാതിരിക്കുമോ?

കാരണം : നീതി കിട്ടില്ലെന്ന്‌ സി.ബി.ഐ. (വാർത്ത)

അജഗണത്തെ സംരക്ഷിക്കേണ്ട മുതിർന്ന അജപാലരയി വന്നവർ തന്നെ അജ നായാട്ട് നടത്തിയ കേസിൽ ഇങ്ങനെയൊക്കെ സംഭവിച്ചില്ലങ്കിൽ അത് അത്ഭുതമാണു. അതിന്റെ തെളിവാണല്ലോനീണ്ട പതിനാറുകൊല്ലം!

താനിരിക്കേണ്ടിടത്ത് താനിരുന്നില്ലങ്കില്‍....

പാക്കിസ്താനിലെ ജമാ അത്തു ഉദ്‌ ദുവായെന്ന മത സംഘടനയിൽ നിന്നും നമുക്കു പ്രത്യേകിച്ചു കേരളത്തിനു പഠിക്കെണ്ട പ്രധാനപ്പെട്ട ചില കാര്യങ്ങളുണ്ടു. മത സ്ഥാപനങ്ങൾക്കു വിദ്യാഭ്യാസം, ആതുര സേവ എന്നീ പ്രധാനപ്പെട്ട അടിസ്താന ജനസേവനം ഏൽപ്പിച്ചു കൊടുത്താൽ അവസാനം അതു ഭസ്മാസുരന്റെ രൂപത്തിൽ രാജ്യത്തിനു തന്നെ ഭീഷണി ആയേക്കാം.

വിദ്യാഭ്യാസ സ്ഥാപനങ്ങളിലൂടെ തങ്ങളുടെ മതാചാരങ്ങളും മതപ്രബോധനങ്ങളും പിഞ്ചുമനസ്സുകളിലേക്കു പകർന്നു, അതു മതത്തിന്റെ പ്രചരണത്തിനായി ഉപയോഗിക്കാൻ നല്ല ഒരു ഉപാധി ആണു. അതുപോലെ ആതുരസേവനവും, മതസ്വാധീനം വളർത്താൻ വളരെ ഉപയോഗപ്രദമായ ഒരു രംഗമാണു.

സർക്കാരുകൾ ജനസേവനത്തിൽ നിന്നു ഒളിച്ചോടുകയും, കടമ നിറവേറ്റാതെ വരികയും ചെയ്യുമ്പോൾ ഈ അവസരം അധികാര മോഹികളായ മതക്കാരും, ചിലപ്പോൾ അധോലോക സംഘങ്ങൾ പോലും ഈ വിടവു നികത്തി ജനങ്ങളിൽ വിശ്വാസം വളർത്തി സമാന്തര ശക്തിയായി വളർന്നു, അവസാനം എളുപ്പത്തിൽ ഒഴിവാക്കാൻ വയ്യാത്ത വൻ ശക്തിയായി തീർന്നേക്കാം. (ബോമ്പെയിൽ ദാവൂദ്‌ ഇമ്പ്രാഹിമിനും മറ്റും വലിയ ജനപിന്തുണ ഉണ്ട്‌ എന്നു കേട്ടില്ലേ?)

ജമാ അത്തു ഉദ്‌ ദുവായെന്ന മതസംഘടന പാക്കിസ്താനിൽ 500ൽ പരം വിദ്യാലയങ്ങളാണു നടത്തുന്നതു. അത്‌ പോലെ തന്നെ ആശുപത്രികളും നടത്തുന്നുണ്ട്‌. ഇവർ തന്നെ യാണു ഭീകരന്മാരേയും അക്രമികളേയും വാർത്തെ ടുക്കുന്നതും ലോകത്തു അക്രമം വളരാൻ കൂട്ടുനിൽക്കുന്നതും. ഇവരെ നിരോധിക്കാൻ ഇന്നു പാക്‌ സർക്കാരിനു എളുപ്പത്തിൽ സാധിക്കുകയില്ല. ഇവർക്കെതിരെ നടപടികൾ കഠിനമായിട്ടെടുത്താൽ വമ്പിച്ച ജനരോഷം ഒരു പക്ഷേ പാക്കിസ്ഥാനിൽ ഉണ്ടാകും. ഇവരിൽ നിന്നുമുള്ള സമ്മർദ്ദമായിരിക്കണം പലപ്പോഴും പാക്‌ അധികാരികൾക്കു ബോബെ ആക്രമണത്തിന്റെ പശ്ചാത്തലത്തിൽ എങ്ങും തൊടാത്ത പ്രസ്ഥാവനകൾ നടത്തേണ്ടി വരുന്നതു.

ഞാൻ പറഞ്ഞു വന്നതു, നമ്മുടെ സർക്കാരും, സാമ്പത്തിക പരാധീനതകൾ പറഞ്ഞു വിദ്യാലങ്ങളുടെ നടത്തിപ്പും, ആതുര സേവനവും, കാശുള്ളവരോട്‌ നടത്താൻ പറഞ്ഞാണല്ലോ സ്വകാര്യ പള്ളിക്കുടങ്ങളും, പഞ്ചനക്ഷത്ര ആശുപത്രികളും നടത്താൻ അനുമതി നൽകുന്നത്തു. കേരളത്തിൽ അങ്ങോളമിങ്ങോളം ഈ സ്ഥാപനങ്ങൾ ധാരാളമായി ഉണ്ട്‌. ഇവയിൽ 85% ന്യൂനപക്ഷങ്ങളുടെ സ്ഥാപനമാണു. ഈ സ്ഥാപനങ്ങൾ എല്ലാം തന്നെ അവരുടെ മത പ്രബോധനവും നടത്തുന്നുണ്ട്‌. ഇതു ദേശീയതാൽപര്യങ്ങൾക്കു വിരുദ്ധമായ കാര്യമായി പരിണമിക്കുന്ന കാലം വിദൂരമല്ല എന്നു എന്റെ മനസ്സു പറയുന്നു. പലപ്പോഴും അധികാരസ്വരത്തിൽ വിലപേശാൻ ഈ മത സ്ഥാപനങ്ങൽ തുനിഞ്ഞിട്ടുള്ളതു ഇതിനു മുന്നോടിയാണു. ഈ വക സ്ഥാപനങ്ങളുടെ പരിപൂർണ്ണ നടത്തിപ്പു സർക്കാരിൽ നിക്ഷിപ്തമാകേണ്ടതുണ്ടു. മുതലിറക്കിയവർ തന്നെ സ്ഥാപനത്തിന്റെ അധികാരികളോ ഓഹരി ഉടമകളോ ആയി നിന്നു, സർക്കാരിന്റെ മേൽനോട്ടത്തിൽ അന്തർദ്ദേശീയമായി ഏകീക്രുതമായ ശൈലിയിൽ ഈ സ്ഥാപനങ്ങ്നൾ നടത്തികൊണ്ടുപോകാൻ സംവിധാനം ചെയ്യേണ്ടിയിരിക്കുന്നു.

വിദ്യാഭ്യാസവും, രോഗശുശ്രൂഷയും, കഠിനമായ വ്യാപാരവൽക്കരണത്തിനു ഇടയായിരിക്കുന്നു. എന്നാൽ ഭാരതീയ സംസ്കാരമനുസരിച്ചു ഇതു ദാനമായി ചെയ്യേണ്ട കർമ്മങ്ങളാണു.

ഇതിൽ ചില മതങ്ങളുടെ നിയന്ത്രണം വിദേശ ആസ്ഥാനങ്ങൾ എടുക്കുന്ന തീരുമാനമനുസരിയച്ചാണു എന്ന ഊഹാപോഹങ്ങൾ ഉള്ളപ്പോൾ സർക്കാർ ചില നിയന്ത്രണങ്ങൾ തീർച്ചയായും നടത്തേണ്ടിയിരിക്കുന്നു.

താനിരിക്കേണ്ടിടത്ത് താനിരുന്നില്ലങ്കില്‍.... (അവിടെ വല്ല പട്ടീം പൂച്ചേം കയറിയിരുന്നു .......)

കര്‍മ്മത്തിനനുസരിച്ചുള്ള കര്‍മ്മഫലം ആര്‍ക്കാണാങ്കിലും കിട്ടിയേക്കാം

ബാഗ്‌ദാദ്‌: അമേരിക്കന്‍ പ്രസിഡന്റ്‌ സ്ഥാനം ഒഴിയുന്നതിന്‌ മുമ്പ്‌ ഇറാഖ്‌ സന്ദര്‍ശനത്തിനെത്തിയ ജോര്‍ജ്‌ ബുഷിന്‌ നേരെ ചെരുപ്പെറിഞ്ഞു. ബാഗ്‌ദാദില്‍ ഇറാഖ്‌ പ്രധാനമന്ത്രി നൂറി അല്‍-മാലികിനൊപ്പം വാര്‍ത്താസമ്മേളനം നടത്തുമ്പോഴാണ്‌ അല്‍-ബാഗ്‌ദാദിയ ന്യൂസ്‌ റിപ്പോര്‍ട്ടര്‍ അല്‍ സെയ്‌ദി തന്റെ രണ്ട്‌ ഷൂസുകളും ബുഷിന്‌ നേരെ വലിച്ചെറിഞ്ഞത്‌. ബുഷിനെ തെറിപറഞ്ഞുകൊണ്ടായിരുന്നു ഷൂസേറ്‌.

കര്‍മ്മത്തിനനുസരിച്ചുള്ള കര്‍മ്മഫലം ആര്‍ക്കാണാങ്കിലും കിട്ടിയേക്കാം

വെല്ലുവിളിയൊടുകൂടിയ ഒരു അപേക്ഷ :

തീവ്രവാദ്ത്തിനും ഭീകരതക്കും എതിരേ പോരാടുന്ന അമേരിക്കൻ സർക്കാറിനോടും,, നമ്മുടെ ഭാരത സർക്കാരിനോടും അതുപോലെ മറ്റു സമാനമായ രീതിയിൽ പൊരുതികൊണ്ടിരിക്കുന്ന എല്ലാ ലോകരാഷ്ട്രങ്ങളോ ടും വെല്ലുവിളിയൊടുകൂടിയ ഒരു അപേക്ഷ :

നിങ്ങൾക്കു ചങ്കൊറപ്പുണ്ടണ്ട്ങ്കിൽ അവധി വ്യാപാരവും, സ്റ്റോക്കുമാർക്കറ്റും, കമ്മോഡിറ്റി ട്രേഡിങ്ങും നിർത്തലാക്കുക! ഇതു തീവ്രവാദികളെപ്പോലെ തന്നെ സാധാരണക്കാർക്കും ദരിദ്രർക്കും ഭീഷണിയാണു. ഇതു ഇല്ലാത്ത വില ക്രുത്രുമമായി സ്രുഷ്ടിക്കുന്നതുമൂലം സാധാരണക്കാർക്കു ആഹാരം വരെ അക്രമവിലക്കു വാങ്ങേണ്ടി വരുന്നു. ലോകത്തു കൂടുതൽ ദരിദ്രരെ സ്രുഷ്ടിക്കുന്ന മെഷ്യനറിയാണു അവധിവ്യാപാര സംഘങ്ങളും, സ്റ്റോക്കുമാർക്കറ്റും.

(ഇതെ തൊട്ടു കളിക്കാൻ നിങ്ങൾക്കു പുളിക്കും എന്നു എനിക്കറിയാം...എന്നാലും,...)

വ്യാപാരങ്ങൽ നേരിട്ടു ഫിസിക്കൽ സ്റ്റോക്കിന്റെ ലഭ്യത അനുസരിച്ചു നിശ്ചയിക്കുന്ന ഒരു വ്യവസ്ഥിതി ആണു വേണ്ടതു. അല്ലാതെ ചൂതാട്ടക്കാരുടെ ലാഭനഷ്ടത്തിനനുസരിച്ചാകരുതു.

ധ്യൈര്യമുള്ളവർ ഇതിനെതിരേ സമരം ചെയ്യട്ടേ!